Nánar um spretti

1. ÞEKKINGARSPRETTUR

Þekkingarsprettur er fyrsta skrefið í því að útfæra góða hugmynd. Þekkingarspretturinn fer fram í Háskóla Íslands Á þekkingarspretti sitja nemendur fyrirlestra sérfræðinga á því sviði sem tekið er fyrir. Áskorun er alltaf valin út frá Heimsmarkmiðum Sameinuðu Þjóðanna.

2. HÖNNUNARSPRETTUR

Hönnunarsprettur er haldinn af framhaldsskólum sem bjóða uppá MEMA áfanga. Þar fá nemendur verkfæri og handleiðslu í að útfæra hugmyndir sínar eftir nýsköpunaraðferðum stórfyrirtækja. Hönnunarspretturinn er byggir á aðferðafræði Design Sprint, hugmyndafræði sem hefur notið mikilla vinsælda hjá tæknifyrirtækjum víða um heim.

3. TÆKNISPRETTUR

Tæknisprettur er því næst, en á tæknispretti þróa nemendur frumgerðir af hugmyndinni sinni. Tæknispretturinn fer fram í Fab Lab Reykjavík. Frumgerðinni er ætlað að vera prófanleg með hagsmuna aðilum.

4. LOKASPRETTUR

Prófanir og lokasprettur rekur lestina, en þar er frumgerðin prófuð með óháðum hagsmuna aðilum. Þar fá þátttakendur dýrmæta innsýn inn í huga notenda/hagsmuna aðila að lausninni. Besta lausnin er svo valin af dómnefnd.