MEMA-HRAÐALL

MeMa er nýsköpunarhraðall þar sem þróaðar eru snjallar hugmyndir og þeim komið í verk. MEMA er stytting á MenntaMaskína en í hraðlinum fá nemendur tækifæri á því að nýta hugvit sitt til að leita lausna í þverfaglegu samstarfi við sérfræðinga og hagsmuna aðila. MEMA byggir á verkefnalotum sem líkja eftir hönnunar- og nýsköpunar aðferðum alþjóðlegra tæknifyrirtækja sem leggja mikla áherslu á hönnun og fljótvirkra frumgerðarsmíði.  Í MEMA er lögð áhersla á vísindi, hagnýtingu þekkingar, samvinnu, hönnun, tilraunir og prófanir. Fab Lab Reykjavík leiðir verkefnið og hefur það vaxið í Fjölbrautaskólanum í Breiðholti með stuðningi Nýsköpunarmiðstöðvar Íslands og Reykjavíkurborgar. Með þátttöku í MEMA gefst nemendum og kennurum einstakt tækifæri til að kynnast rannsóknum og þróun nýsköpunarhugmynda með hjálp sérfræðinga Fab Lab Reykjavíkur. Í MeMa vinna nemendur að því að búa til virka frumgerð að nýsköpunarhugmynd sem lokaverkefni úr framhaldsskólanámi sínu. Verkefnið er umfangsmikið og fer fram í gegnum hönnunar og tæknispretti. MEMA hefst í ágúst og lýkur með verðlaunaafhendingu í lok haustannar.

​

​

Lokahóf MEMA  2020

Þrátt fyrir Covid krísu hafa 70 nemendur úr 7 framhaldsskólum þróað lausnir sem styðja við sjálfbærni samfélaga. Með einstakri útsjónarsemi hefur þátttakendum hefur tekist að vinna saman í teymum þrátt fyrir heimsfaraldur. Þau hafa unnið saman í gegnum netið, mætt í Fab Lab ilmandi af spritti klædd grímum og hönskum. Þvílík seigla!

MEMA TEYMI 2020

Fjölbreytt teymin frá sjö framhladsskólum tóku þátt þátt í  MEMA 2020 nýsköpunarhraðlinum. Teymin voru frá Fjölbrautaskólanum í Breiðholti, Menntaskólanum við Hamrahlíð, Tækniskólanum, Kennaskólanum í Reykjavík, Fjölbrautaskóla Snæfellinga, Fjölbrautaskólia Vesturlands á Akranesi og Fjölbrautsskólanum við Ármúla. 

Sautján lausnum var skilað inn til dómnefndar MEMA 2020 og við tók ströng yfirferð verkefna.

SIGUR TEYMI MEMA 2020

Teymi Fjölbrautaskólans í Breiðholti sigraði MEMA nýsköpunarhraðal framhaldsskólanna 2020 með verkefnið Gára. Markmið Gáru er að bæta endurnýtingu pappírs á Íslandi til að draga þannig úr útflutningi á sorpi. 

Teymið endurnítti pappír og prófuðu sig áfram til að búa til  hljóðdempandi klæðningu unna úr endurunnum pappír.

Í Teyminu voru Lakshmi Björt Þuríðardóttir Jacob, Katrín Helga Davíðsdóttir, Guðrún Ísafold Hilmarsdóttir og Guðlaugur Hrafn Kristjánsson. 

Í öðru sæti var teymi úr Tækniskólanum með Neyðarhnappin Björg, hnappinn er hægt að nota til að stuðla að öryggi einstaklinga sem búa við heimilisofbeldi.

Þriðja sæti hlaut teymi frá Menntaskólanum við Hamrahlíð fyrir hugmyndina Rykhettan, þar er lagt til að ljósastaurar verði húðaðir með efninu Sunspace til að draga úr svifryksmengun.

MEMA hraðallinn ákveður á hverri önn þema út frá Heimsmarkmiðum Sameinuðu þjóðanna, en áskorunin sem nú varð fyrir valinu var tengt markmiði 11, Sjálfbærar borgir og samfélög. Gára styður við heimsmarkmiðið með nýtingu hringrásarhagkerfisins við framleiðslu vörunnar. Allir í sigur teyminu fengu SAMSUNG S20 FE síma, niðurfellingu á innritunargjaldi til náms í Háskóla Íslands, annað sæti hlaut SAMSUNG BUDS+ heyrnatól, þriðja sæti fékk í verðlaun gjafakort frá Reykjavík escape og vistvænar nytjavörur frá Vistveru. Allir þátttakendur fengu bókina Toppstöðin í verðlaun.

Verðlaun fyrir sigurteymi MEMA 2020 veita

RÁÐGJAFAR MEMA 2020

Rósa Dögg Ægisdóttir

Þróunarstjóri hjá

Reon

Ragnheiður H. Magnúsd.

Deildarstjóri Tækniþjónustu Þjónustu- og nýsköpunarsvið

Eiríkur Jóhannsson

Forritunar gúrú

Hörður Sveinsson

Sérfræðingur í nýbreytni og nýsköpun fyrir iðnað

SKIPULEGGJENDUR MEMA 2020

BRYNDÍS STEINA FRIÐGEIRSDÓTTIR

Verkefnisstjóri

MeMa 2020

HAFLIÐI ÁSGERISSON

Sprettstjóri 

Tæknispretta

ÞÓRA ÓSKARSDÓTTIR

ForstöðumaðurFab Lab Reykjavíkur

GUÐRÚN JÓNSDÓTTIR BACHMANN

Kynningarstjóri vísindamiðlunar við Markaðs- og samskiptasvið HÍ

ÓLÖF VIGDÍS RAGNARSDÓTTIR

Verkefnastjóri nýsköpunar hjá

Háskóla Íslands

MEMA TEYMI 2019

Fimm teymi framhaldsskólanema náðu að ljúka MEMA - nýsköpunarhraðlinum nú árið 2019. Öll teymin bjuggu til frumgerð sem tekst á við loftslagsáskorun. Menntaskólinn í Reykjavík vann hraðalinn að þessu sinni, með Mosa flísar - klæðning fyrir mannvirki.  Í verðlaun hlaut teymið 1. milljón króna frá Veitur og niðurfellingu skráningargjalda hjá Háskóli Íslands. Hugmyndirnar voru allar frammúrskarandi, fá því öll teymin handleiðslu hjá Nýsköpunarmiðstöð Íslands við næstu skref.

MEMA teymi árið 2019 voru frá Fjölbrautaskólinn í Breiðholti, Menntaskólinn við Hamrahlíð, Tækniskólinn, Borgarholtsskóli og Menntaskólinn í Reykjavík. Að baki hraðlinum 2019 standa Fab Lab Reykjavik Nýsköpunarmiðstöð Íslands, Fjölbrautaskólinn í Breiðholti, Reykjavíkurborg, Háskóli Íslands, Háskólinn í Reykjavík og Veitur.

​

Hér má sjá myndir af hverju teymi og þeirra verkefnum frá Lokaspretti 2019

MENNTASKÓLINN Í REYKJAVÍK

Júlía Sóley Gísladóttir, Jason Andri Gíslason, Örn Steinar Sigurbjörnsson, Kjartan Þorri Kristjánsson og Ólafur Heiðar Jónsson

Sigurteymið árið 2019, með verkefnið sitt Mosaflísar, var teymi Menntaskólans í Reykjavík. En þau bjuggu til klæðningu fyrir mannvirki úr glertrefjum og hrauni. Á klæðningunni vex mosi sem bæði fegrar umhverfið og bætir loftgæði borga. 

​

​

FJÖLBRAUTASKÓLINN Í BREIÐHOLTI

Atli Snær Kristjánsson, Álfrún Auður Bjarnadóttir, Róbert Örn Ketilsson, Lilly Karen Pálsdóttir og Ólafur Tómas

Teymi Fjölbrautaskólans í Breiðholti með snilldarlausn til að takast á við matarsóun. Lausnin þeirra er smáforritið og þjónustan Endur. Appið auðveldar matvöruverslunum að koma vörum á síðasta söludegi til neytenda, með uppskriftum, matarpökkum og leikjum. 

​

​

TÆKNISKÓLINN

Ragnar Már Róbertsson, Júlía Ingvarsdóttir, Sindri Ragnarsson, Hrafnhildur Gunnarsdóttir, Davíð Hafsteinsson

Teymi Tækniskólans, var með gríðarlega útpælda lausn til að virkja fólk til að nýta vistvæna samgöngumáta. En smáforrit þeirra getur áætlað afar nákvæmlega með hvernig farartæki fólk kemst á milli staða. Þannig safnar forritið upplýsingum um hve mikinn koltvísýring fólk sparar með því að velja vistvænan ferðamáta. Fólk getur þannig unnið sér inn hvata, t.d í formi samgöngustyrks, vara eða jafnvel frítíma í vinnunni gegn þessari söfnun á vistvænum kílómetrum. Smáforritið er nánast tilbúið til innleiðingar og við vonum svo sannarlega að það verði komið í flesta síma á næsta ári.

​

​

MENNTASKÓLINN VIÐ HAMRAHLÍÐ

Gabríel Einarsson, Katla Ýr Sebastiansdóttir Peters, Una Barkardóttir, Stefán Nordal

Teymi Menntaskólans við Hamrahlíð bjó til afar frumlega lausn til að safna lífrænum úrgangi. En tunnan er búin til úr efni sem líkist frauðplasti en er lífniðurbrjótanlegt. Tunnan er fyllt af lífrænum úrgangi og er svo fjarlægð og brotnar svo niður ásamt innihaldinu í moltu.

​

​

RÁÐGJAFAR MEMA 2019

GUÐRÚN JÓNSDÓTTIR BACHMANN

Framkvæmdastjóri Vísindasmiðju HÍ

ÓLÖF VIGDÍS RAGNARSDÓTTIR

Verkefnastjóri nýsköpunar
hjá Háskóla Íslands

MARTIN SWIFT

Sérfræðingur Þekkingarsprettur

MEMA TEYMI 2018

Nýsköpunarhraðallinn Mema - MenntaMaskína var haldin í fyrsta sinn haustið 2018.

Hraðallinn var haldinn fyrir framhaldsskólanemendur og komust fjögur nemendateymi í úrslit með frumgerð að nýsköpunarhugmynd. Það voru Menntaskólinn við Hamrahlíð sem þróuðu klæðnað fyrir fólk í hjólastólum, Fjölbrautaskólinn í Breiðholti með listaverk fyrir fyrirtæki sem nýtist sem rampur til að bæta aðgengi hjólastóla að fyrirtækinu, Verslunarskóli Íslands með Appinu Hjálpa sem tengir saman fólk sem vill hjálpast að í daglegum athöfnum. Tækniskólinn bar sigur út býtum að þessu sinni, með sessu sem fellur saman og tútnar út til að auka blóðflæði í líkamanum til að koma í veg fyrir núningssár og verki hjá þeim sem að sitja lengi. 

MND félagið á Íslandi  veitti sigurteymi Mema 2018 þróunarfé upp á 1. milljón króna  Öll teymin fengu handleiðislu frá Nýsköpunarmiðstöð Íslands við útfærslu á viðskiptahugmynd. 

​

Hér má sjá myndir af hverju teymi og þeirra verkefnum frá Lokaspretti 2018

VERSLUNARSKÓLINN

Saga Eysteinsdóttir, Atli Geir Alfreðsson og Arndís Úlla Björnsdóttir Árdal

Teymi Verzlunarskóla Íslands, þróuðu appið Hjálpa, sem tengir saman fólk sem vill hjálpast að í daglegum athöfnum. Við getum gert svo margt saman

​

Umsjónarkennari: Hlín Ólafsdóttir

MENNTASKÓLINN VIÐ HAMRAHLÍÐ

Fannar Þór Einarsson, Hekla AradóttirOrri Starrason, Stefán Logi Baldursson, Þorsteinn Sturla Gunnarsson

Teymi Menntaskólans í Hamrahlíð þróuðu hugmyndina FÖTluð. En það er fatnaður sem sniðin sem sniðin eru að þörfum fólks í hjólastól. Auðveldara er að klæðast þeim án aðstoðar, og þau eru ólíklegri til að krumpast sem getur valdið legusárum.

​

Umsjónarkennari: Jón Ragnar Ragnarsson

TÆKNISKÓLINN

Hrafnhildur Ósk Ásmundsdóttir, Katrín Eva Hafsteinsdóttir, Róbert Orri Gunnarsson, Svavar Már Harðarson

Tækniskólinn bar sigur úr býtum með Zetuna, sem er sessa sem er forrituð til að geta breytt lögun sinni. Þannig getur sessan aukið blóðflæði til líkamans hjá þeim sem að sitja lengi og minnkar þannig hættu á legusárum. Teymi tækniskólans hlaut því eina milljón króna í þróunarstyrk frá MND-félaginu auk handleiðslu Nýsköpunarmiðstöðvar Íslands um næstu skref.

​

Umsjónarkennari: Erna Ástþórsdóttir

FJÖLBRAUTASKÓLINN Í BREIÐHOLTI

Jón Ágúst Arnórsson, Sara Halldórsdóttir, Marclester Ubaldo, Lára Kristín, Sara Halldórsdóttir, María Rós Arnfinnsdóttir

Teymi Fjölbrautaskólans í Breiðholti vilja að fyrirtæki séu stolt af góðum aðgengismálum. Þau þróuðu listaverk sem auðvelt er að nýta sem ramp sem bætir aðgengi hjólastóla. Hér með smækkaðri útgáfu hugmyndarinnar

​

Umsjónarkennari : Sigríður Ólafsdóttir

RÁÐGJAFAR MEMA 2018

EFTIRFARNADI SKÓLAR HAFA TEKIÐ ÞÁTT

Fjölbrautaskóli Snæfellinga

Fjölbrautaskóli Vesturlands Akranesi

Borgarholtsskóli

Menntaskólinn í Reykjavík

Verslunarskóli Íslands

Menntaskólinn við Hamrahlíð

Fjölbrautaskólinn við Ármúla

Tækniskólinn í Reykjavík

Fjölbrautaskólinn í Breiðholti

Kvennaskólinn í Reykjavík)